KR-ingar hafa fengið til sín framherja fyrir baráttuna í seinni hluta tímabilsins í Pepsi Max-deild kvenna í knattspyrnu.
Hún heitir Gloria Douglas, 27 ára bandarískur framherji sem lék með yngri landsliðum Bandaríkjanna á sínum tíma en hefur spilað í Noregi, Japan, á Írlandi og síðast í Svíþjóð þar sem hún lék með Sandviken í C-deildinni og skoraði 21 mark fyrir liðið í 22 leikjum á tímabilinu 2018.
Douglas er komin með leikheimild og getur spilað með KR-ingum gegn Selfossi á miðvikudagskvöldið.