Þörf á okkar bestu leikjum

Óskar Hrafn Þorvaldsson er kominn með Blikana í aðra umferð …
Óskar Hrafn Þorvaldsson er kominn með Blikana í aðra umferð Sambandsdeildarinnar þar sem Austria Vín er andstæðingurinn. Ljósmynd/Kristinn Steinn Traustason

Á fimmtudagskvöld tryggði karlalið Breiðabliks í knattspyrnu sér sæti í annarri umferð Sambandsdeildar Evrópu með því að sigra Racing Union frá Lúxemborg 2:0, og samanlagt 5:2 eftir frábæran 3:2 endurkomusigur í fyrri leiknum ytra, í fyrstu umferð keppninnar.

„Þetta voru tveir mjög ólíkir leikir. Í útileiknum voru Racing-menn mjög djarfir og pressuðu framarlega sem gerði það að verkum að við gátum opnað þá nokkuð oft. Ef undan er skilinn kaflinn á milli markanna tveggja sem þeir skoruðu fannst mér við vera sterkari aðilinn í þeim leik og við skoruðum tvö mörk í seinni hálfleik sem undirstrikuðu það svolítið,“ sagði Óskar Hrafn Þorvaldsson, þjálfari Breiðabliks, við Morgunblaðið.

„Í gærkvöld [fyrrakvöld] nálguðust þeir leikinn á allt annan hátt. Þeir lögðust aftur og ætluðu að bíða eftir því að við gerðum mistök og sækja hratt á okkur. Við náðum að sjá til þess að þeir næðu ekki að gera sér mat úr því sem fór forgörðum hjá okkur, eins og feilsendingum sem þú eðlilega átt í heilum fótboltaleik. Við stjórnuðum þeim leik, að mér fannst, í tæpar 90 mínútur,“ sagði hann um síðari leikinn, og kvaðst sérstaklega ánægður með að vinna báða leikina.

Viðtalið við Óskar í heild sinni er í Morgunblaðinu í dag og þar er jafnframt fjallað um næstu verkefni íslensku liðanna í Evrópukeppninni.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Fleira áhugavert
Fleira áhugavert