„Við ætlum að halda okkur þarna“

Agla María Albertsdóttir, leikmaður Breiðabliks, var að vonum hæst ánægð með frammistöðu sína í kvöld þegar Breiðablik lagði Tindastól 4:0 í Bestu deild kvenna í fótbolta.

Agla María var allt í öllu og fullkomnaði svo þrennuna þegar fimm mínútur voru til leiksloka. Hún segir að liðið hafi verið á fullu allan tímann og hrósaði liðsfélögum sínum í hástert.

„Mér finnst til dæmis Clara sem kom inn á miðjuna og hefur ekki spilað mikið undanfarið hafa verið frábær, hún lagði upp tvö mörk á mig í dag og var gjörsamlega stórkostleg á miðjunni.“

Breiðablik situr á toppi deildarinnar og segir Agla María að þær vilji vera þar.

„Við ætlum að halda okkur þarna „top of the league“ eins og þjálfarinn okkar segir.“

• Blogga um frétt