Bauð fyrirliðann í skiptum fyrir Aron Pálmarsson
Setja bókamerki
„Núna þarf maður að tala varlega en ég var kominn langt með þetta,“ sagði Heimir Guðjónsson, þjálfari karlaliðs FH í knattspyrnu, í Fyrsta sætinu.
Reyndi við Aron Pálmarsson
Heimir, sem er 54 ára gamall, snéri aftur í Hafnarfjörðinn í nóvember á síðasta ári eftir að hafa stýrt liðinu frá 2008 til 2017 og gerði hann þá liðið fimm sinnum að Íslandsmeisturum.
Markvörðurinn Sindri Kristinn Ólafsson meiddist í haust og Hafnfirðingum vantaði því varamarkvörð. Heimir reyndi að fá Aron Pálmarsson, fyrirliði íslenska karlalandsliðsins í handknattleik, á bekkinn hjá FH en Aron, sem snéri heim úr atvinnumennsku í sumar, var frábær markmaður á sínum tíma.
Hann peppaðist allur upp
„Ég hef þekkt Aron Pálmarsson lengi og ég ræddi þetta við hann,“ sagði Heimir.
„Hann peppaðist allur upp og var heldur betur klár en handknattleiksdeildin var hins vegar ekki klár í þetta. Þetta hefði verið geggjað því þegar að ég var að byrja að þjálfa hjá FH þá þjálfaði ég Aron í 2. flokknum og hann var geggjaður markvörður.
Þetta var líka spurning um það ef hann hefði meiðst, þá hefði ég eflaust verið í djúpum skít og rekinn frá félaginu,“ sagði Heimir léttur.
Tók ekki vel í það
Heimir var svo spurður að því hvort hann hefði boðið Sigursteini Arndal, þjálfara karlaliðs FH í handknattleik, Björn Daníel Sverrisson, fyrirliða liðsins, í skiptum fyrir Aron.
„Það er hárrétt en Sigursteinn tók ekki vel í það. Ég sá Bjössa aldrei í handbolta en menn vilja meina að hann hafi verið mjög efnilegur handboltamaður,“ sagði Heimir meðal annars.
Stafræna byltingin étur börnin sín
Fjöldi tungumála áskorun
„Þú ert bara orðin miðaldra kona“
Lögregla handtók mann sem reyndist eftirlýstur
Umboðsmaður barna krefur ráðherra um svör
/frimg/1/50/63/1506351.jpg)
Halla komin „á hálan ís“ í auglýsingu Brimborgar