Keflavík vann stóran sigur á FH, 4:1, í deildabikar karla í knattspyrnu í Skessunni í Hafnarfirði í dag.
Léku liðin í riðli 1 í A-deildinni en eftir úrslit kvöldsins er Keflavíkurliðið komið í annað sæti riðilsins með sjö stig. Grindavík er efst með níu stig en Blikar eru í þriðja með sex, jafnmörg stig og FH í sæti neðar. Vestri er með eitt stig í fimmta sæti og Grótta í sjötta og neðsta sæti án stiga.
Stefan Ljubicic skoraði fyrst tvö mörk Keflavíkur og sá til þess að liðið væri tveimur mörkum yfir í hálfleik.
Sami Kamel bætti við þriðja marki Keflavíkur á 59. mínútu, 3:0.
Vuk Oskar Dimitrijevic minnkaði muninn fyrir FH í 3:1 en undir lok leiks bætti Óliver Andri Einarsson við fjórða marki Keflavíkur og innsiglaði frækinn útisigur, 4:1.
FH fær næst Gróttu í heimsókn en Keflavík mætir Grindavík í toppslag riðilsins. Bæði tvö eru í 1. deildinni.