Íslandsmeistarar Víkings úr Reykjavík höfðu betur gegn ÍA, 1:0, í 8. umferð Bestu deildar karla í knattspyrnu á Akranesvelli klukkan í dag.
Víkingur er í toppsæti deildarinnar með 21 stig. ÍA er í sjöunda með tíu.
Fyrri hálfleikurinn var bragðdaufur en Víkingar sóttu meira. Víkingur fór að sækja í sig veðrið í upphafi síðari hálfleiks og á 54. mínútu leiksins fékk liðið umdeilda vítaspyrnu.
Þá var Skagamaðurinn Marko Vardic í baráttunni við Danijel Dejan Djuric í vítateig ÍA og Erlendur Eiríksson dómari mat það sem svo að Vardic hafi togað Danijel niður.
Vardic fékk i leiðinni rautt spjald sem aftasti maður. Helgi Guðjónsson steig á punktinn og skoraði af miklu öryggi.
Skagamenn stóðu sig vel manni færri en þeim tókst þó ekki að jafna metin. Lokatölur 1:0 fyrir Víkingi.
Víkingar heimsækja Breiðablik í næsta leik. ÍA heimsækir KA.