„Lið sem er með Curtis Jones og Kostas Tsimikas í byrjunarliðinu hjá sér verður ekki meistari,“ sagði Þór Bæring Ólafsson, útvarpsmaður á K100, í Fyrsta sætinu þegar rætt var um Liverpool.
Manchester City og Liverpool gerðu jafntefli, 1:1, í stórleik 13. umferðar deildarinnar á Etihad-vellinum í Manchester á Laugardaginn en eftir leiki helgarinnar er City í öðru sæti deildarinnar með 29 stig en Liverpool er í því þriðja með 28 stig.
„Þetta eru ekki nægilega sterkir leikmenn,“ sagði Þór Bæring.
„Liverpool þarf að styrkja hópinn í janúar ef þeir ætla sér að verða meistarar,“ bætti Jökull Þorkelsson, íþróttablaðamaður á mbl.is og Morgunblaðinu, meðal annars við.