Enski knattspyrnumaðurinn Kyle Walker, hægri bakvörður þrefaldra meistara Manchester City, ræddi við Tómas Þór Þórðarson á Símanum Sport um hvort hann hafi verið nálægt því að yfirgefa herbúðir félagsins í sumar.
Walker var þrálátlega orðaður við þýska stórveldið Bayern München í sumar en skrifaði að lokum undir nýjan samning sem gildir til sumarsins 2026. Þá verður hann á 36. aldursári.
„Ég hugleiddi ekki að fara annað vegna fótboltans eða skorts á drifkrafti eða vilja. Hugmyndin var einungis sú að tryggja feril minn sem atvinnumaður sem lengst.
Þetta eru mikilvæg ár fyrir mig,“ sagði Walker við Tómas Þór.
Spjall þeirra má sjá í spilaranum hér að ofan en mbl.is færir ykkur efni úr enska boltanum í samstarfi við Símann Sport.