Kristian Nökkvi Hlynsson, landsliðsmaður í knattspyrnu, var í byrjunarliði Ajax er liðið hafði betur gegn Sparta Rotterdam í 15. umferð hollensku úrvalsdeildarinnar.
Ajax virðist nú vera að finna taktinn eftir hörmungarbyrjun á tímabilinu. Liðið er nú í fimmta sæti deildarinnar með 24 stig, 21 stigi á eftir toppliðinu PSV Eindhoven.
Kristian var í byrjunarliði Ajax og lék hann 65 mínútur í dag á miðjunni. Hann var tekinn út af í stöðunni 2:1 þegar breytingar voru gerðar til þess að reyna halda forystunni og að lokum náðu Ajax-menn að halda út og náðu stigunum þremur.
Ajax var á botni deildarinnar fyrir um mánuði síðan og er skyndilega komið í baráttu um Evrópusæti.