Fyrsti sigur á United í sögunni

Senesi skorar þriðja mark leiksins fyrir Bournemouth gegn Manchester United.
Senesi skorar þriðja mark leiksins fyrir Bournemouth gegn Manchester United. AFP

Manchester United laut í lægra haldi gegn Bournemouth á heimavelli í 16. umferð ensku úrvalsdeildarinnar í dag, 3:0. Er þetta fyrsti sigur Bournemouth á Manchester United á Old Trafford í sögu ensku úrvalsdeildarinnar.

Manchester United tók á móti Bournemouth á heimavelli sínum, Old Trafford, en United gat með sigri í dag komist upp að hlið Manchester City í fjórða sæti deildarinnar.

Mikill kraftur

Bournemouth-menn mættu með mikinn kraft í leikinn í dag og strax á fimmtu mínútu leiksins komust gestirnir yfir með marki frá Dominik Solanke, það var eina mark fyrri hálfleiksins.

Dominic Solanke fagnar fyrsta marki Bournemouth í dag.
Dominic Solanke fagnar fyrsta marki Bournemouth í dag. AFP

Á 58. mínútu leiksins kom Philip Billing inn á sem varamaður en það tók hann einungis tíu mínútur að skora en á 68. mínútu leiksins tvöfaldaði hann forskot gestanna með glæsilegu skallamarki.

Fimm mínútum síðar skoraði svo Senesi með skallamarki úr hornspyrnu og kom gestunum í 3:0 þegar rúmar fimmtán mínútur voru til leiksloka.

Fleiri urðu mörkin ekki en Bruno Fernandes ákvað undir lok leiksins að næla sér í gult spjald fyrir mótmæli við dómarann og verður því í leikbanni gegn Liverpool í næstu umferð. Bournemouth lyftir sér upp í 13. sæti deildarinnar með sigrinum í dag, tíu stigum frá fallsæti.

Lýsing uppfærist sjálfkrafa

Allar lýsingar í beinni

Man. United 0:3 Bournemouth opna loka
90. mín. Fimm mínútum bætt við venjulegan leiktíma.
mbl.is
Fleira áhugavert
Fleira áhugavert