Danski knattspyrnumaðurinn Rasmus Höjlund, sóknarmaður Manchester United, verður frá keppni í nokkrar vikur.
Enskir miðlar greina frá en Daninn hefur spilað frábærlega með United-liðinu undanfarið og skorað í sex leikjum í röð.
Höjlund mun þá missa af leik Manchester United og Fulham á morgun og svo sennilega útileikjunum gegn Nottingham Forest í bikarnum 28. febrúar og gegn Manchester City í deildinni þann 3. mars.
Manchester United er í sjötta sæti ensku deildarinnar með 44 stig.