Landsliðskonan reynda Dagný Brynjarsdóttir hefur skrifað undir nýjan eins árs samning við enska knattspyrnufélagið West Ham.
Samningur Dagnýjar átti að renna út í sumar en er nú til sumarsins 2025.
Dagný er nýkomin aftur á völlinn eftir að hafa eignast sitt annað barn. Hún var í leikmannahópi West Ham í síðasta deildarleik liðsins.
Dagný gekk í raðir West Ham í byrjun árs 2021 og hefur síðan spilað 65 leiki og skorað 17 mörk. Þá hefur hún einnig verið fyrirliði liðsins.
"West Ham just feels like a family to me" 👩👩👧@dagnybrynjars reinforces her commitment to the Club ⚒️#WHUWFC | #BarclaysWSL
— West Ham United Women (@westhamwomen) May 20, 2024