Slot tilkynntur sem stjóri Liverpool

Liverpool hefur tilkynnt formlega um ráðningu hollenska þjálfarans Arne Slot sem nýs knattspyrnustjóra karlaliðsins.

Slot tekur við starfinu þann 1. júní næstkomandi og verður fyrsti hollenski þjálfarinn í sögu félagsins. Skrifaði hann undir þriggja ára samning.

Hann var síðast stjóri Feyenoord, sem hann gerði að hollenskum bikarmeisturum á nýafstöðnu tímabili og Hollandsmeisturum á síðasta ári.

Slot tekur við starfinu af Jürgen Klopp, sem hefur látið af störfum eftir tæplega níu ára starf.

• Blogga um frétt