Bruno Fernandes fyrirliði Manchester United sendi frá sér hvatningarorð til stuðningsmanna fyrir leik liðsins gegn Manchester City í úrslitum enska bikarsins í fótbolta á morgun.
United-liðið hefur valdið miklum vonbrigðum á yfirstandandi tímabili en með sigri á morgun getur liðið unnið næsteftirsóttasta bikar Englands.
Bruno Fernandes er spenntur fyrir leiknum og sendi frá sér langa færslu á The Players Tribune fyrir leikinn.
„Til allra stuðningsmanna Manchester United: Ég veit að tímabilið hefur verið vonbrigði og langt frá okkar getu. Við erum þó á leiðinni á Wembley.
Standið við bakið á okkur einu sinni enn, ykkar fyrirliði, Bruno,“ sagði Portúgalinn meðal annars í langri færslu.
Leikurinn hefst klukkan 14 á morgun.