Háskólinn Boise State, sem er í Idaho í Bandaríkjunum, heldur skemmtilegan viðburð þar sem körfuboltalið skólans mætir rafíþróttaliðinu í keppni í þremur tölvuleikjum.
Karlalið skólans í körfubolta mun mæta þeim bestu í rafíþróttaliði skólans í hverjum leik. Tveir leikmenn keppa í þremur leikjum, Rocket League, Call of Duty og NBA 2K. Rafíþróttaliði skólans hefur gengið vel frá því að það var stofnað og m.a. unnið til titla í leiknum Overwatch. Það er því ljóst að körfuboltaliðið á erfiða keppni fyrir höndum, en viðburðir sem þessi eru hvort tveggja óvenjulegir og skemmtilegir bæði fyrir áhorfendur og leikmenn.
Viðburðurinn verður haldinn sunnudaginn 1. ágúst næstkomandi og verður sýnt frá honum í beinni útsendingu. Verður viðburðinum lýst og streymt á Twitch-rás Boise State-háskóla, ásamt því að viðtöl verða tekin við leikmenn í beinni útsendingu.