Íslendingar eiga engar rætur að sækja í villta vestrið en það má alltaf láta sig dreyma.
Fjölmargir Íslendingar spila tölvuleikinn Red Dead Redemption 2 sem var gefinn út af Rockstar Games árið 2018 en hann er hægt að spila á öllum helstu leikjatölvum.
Tölvuleikurinn gefur leikmönnum sínum kost á að upplifa villta vestrið í hágæða myndgæðum með tilheyrandi tónlist og hljóðum hvar sem er í heiminum.
Í RDD2 (Red Dead Redemption 2) er Arthur, aðalsöguhetjan í leiknum, knúinn til þess að taka drastískar ákvarðanir sem snúa að eigin gildum og tryggð hans við gengið sem ól hann upp.
Leikurinn minnir á hinn klassíska GTA - nema með kúrekum, hestum og fjúkandi knippum af uppþurrkuðu illgresi í heitri sólinni.
Leikurinn býr að æsispennandi söguþræði, áhugaverðum persónum og óvæntum atburðum.