Valve, framleiðandi leiksins Counter-Strike tilkynnti rétt í þessu að Counter-Strike 2 kemur í sumar. Uppfærslan verður gjaldfrjáls fyrir alla sem eiga leikinn og mun hún innihalda uppfærslu á mörgum kerfum og kortum leiksins.

Þetta er stærsta uppfærsla í sögu leiksins og mun koma til með að breyta mörgu sem spilarar eru vanir. 

Reyksprengjur

Einn stærsti þátturinn sem fær yfirhalningu í tilkynningunni frá Valve eru reyksprengjurnar. Reyksprengjur er hægt að nota til þess að mynda einskonar vegg til að blinda andstæðinga. Nú munu reyksprengjurnar bregðast við mismunandi landslagi á kortinu og geta spilarar skotið reyknum í burtu svo hægt sé að sjá í gegn. 

Breytingar á reyksprengjum. Skjáskot/CounterStrike

Yfirhalning á kortum

Keppniskortin munu fá yfirhalningu þar sem þau eru gerð raunverulegri og bjartari. Kort eins og goðsagnakennda kortið Dust 2 munu fá endurnýjun lífdaga og gerð skemmtilegri og spennandi á ný. 

Skjáskot/CounterStrike

Skjáskot/CounterStrike

Vopnin raunverulegri

Ásamt því að betri gæði er á kortunum fá öll vopn og persónur í leiknum yfirhalningu og hægt að sjá betur listaverkin sem príða vopnin og spilarar geta notið betur að eiga falleg vopn.

Betra hljóð

Counter-Strike 2 mun búa yfir betri hljóðgæðum bæði af umhverfishljóðum í leiknum og hljóðum frá andstæðingum og spilurum.

Skjáskot/CounterStrike

Leikurinn fer í prófun frá og með deginum í dag og kemur svo út seinna á árinu.

Tengdar fréttir

Counter-Strike: Global Offensive

Áfram á toppnum eftir toppslagi kvöldsins

• Reyna að semja við dönsku stjörnuna
• Ármann fyrstir að sigra toppliðið
• Ótrúlegt skot í upphafi móts
• Leikmenn ósáttir við leikinn

» Fleiri tengdar fréttir

• Blogga um frétt