Til skammar hjá gestunum frá Ísrael
Setja bókamerki
„Þessi úrslit eru fyrst og fremst svekkjandi,“ sagði Halldór Árnason, þjálfari Breiðabliks, í samtali við mbl.is eftir 2:1-tap liðsins gegn Maccabi Tel Aviv í B-riðli Sambandsdeildar karla í knattspyrnu á Kópavogsvelli í dag.
„Ég er mjög stoltur af liðinu og félaginu fyrir að hafa staðið sig mjög vel í krefjandi aðstæðum. Ég er því svekktur en stoltur. Við byrjuðum þetta af krafti og heilt yfir þá spiluðum við leikinn mjög vel allan tímann. Við erum svekktir að hafa ekki fengið neitt út úr honum en svona er þetta stundum.
Heilt yfir hefur verið margt mjög gott í okkar leik í riðlakeppninni, kannski að undanskyldum leiknum út í Belgíu sem var þó ekki alslæmur. Við lærðum hratt og vel af þeim leik og náðum fínni frammistöðu í heimaleiknum gegn Gent. Við vorum betri í dag og það er margt mjög jákvætt sem við getum tekið með okkur út úr leik dagsins, þó hann hafi tapast,“ sagði Halldór.
Tókst að loka á ytri aðstæður
Dan Biton kom Maccabi Tel Aviv yfir á 35. mínútu og fagnaði með því að hlaupa að varamannabekk liðsins þar sem hann sótti stóran ísraelskan fána og veifaði honum í átt að stúkunni.
„Okkur tókst að loka á allar ytri aðstæður ef svo má segja í undirbúningi okkar fyrir leikinn. Það að þeir skuli samt nota fótboltaleik til þess að koma sínum pólitísku skoðunum á framfæri er algjörlega til skammar.
Að dómarateymið og UEFA hafi líka leyft þessu að viðgangast er líka til skammar því þetta á ekkert skylt við fótbolta. Það var því erfitt að halda áfram að útiloka ytri aðstæður ef svo má segja eftir þennan gjörning þeirra á vellinum,“ sagði Halldór í samtali við mbl.is.
Skipulagði aðgerðir fyrir Ólympíuleikana
Fjöldi tungumála áskorun
Sláandi tölur kalla á djúpa greiningu
Hyggst skoða lög um nafnabreytingar
Leitaði að upplýsingum um Kennedy-morðið
Afhendir yngri kynslóðum keflið
„Björguðu lífi þessa fólks“