Karlalið Arsenal spilar í fyrsta sinn í sjö ár í 16-liða úrslitum Meistaradeildarinnar í knattspyrnu gegn Porto í Portúgal í kvöld.
Arsenal er með sigurstranglegri liðum Meistaradeildarinnar í ár en mikil uppbygging hefur átt sér stað hjá félaginu síðan að Mikel Arteta tók við taumunum undir lok ársins 2019.
Í einvíginu gegn Porto getur Arsenal tryggt sér í 8-liða úrslit Meistaradeildarinnar í fyrsta sinn í 14 ár, eða frá tímabilinu 2009/2010.
Eftir árið 2010 var Arsenal-liðið mörg ár í röð í Meistaradeildinni en komst aldrei lengra en í 16-liða úrslit.
Spurður hvort það hefði verið andlegt, en Arteta var þá fyrirliði Arsenal, sagði stjórinn það hafa verið meira.
„Já vissulega, en það var líka einhver Messi fyrir okkur á þeim tíma, sem við mættum tvisvar og hann lék okkur grátt,“ sagði stjórinn á léttu nótunum en argentínski knattspyrnusnillingurinn fór illa með Arsenal-liðið á þeim tíma.