Napoli og Barcelona skildu jöfn, 1:1, í fyrri leik sínum í sextán liða úrslitum Meistaradeildar karla í fótbolta á Ítalíu í kvöld.
Pólski markahrókurinn Robert Lewandowski kom Barcelona yfir á 60. mínútu eftir sendingu frá Pedri en Victor Osimhen jafnaði metin fyrir Napoli á 75. mínútu eftir undirbúning Frank Anguissa.
Seinni leikur liðanna fer fram í Barcelona þriðjudaginn 12. mars.