Athletic Bilbao er komið í úrslit spænska bikarsins í fótbolta eftir öruggan 3:0-heimasigur á Atlético Madrid í seinni leik liðanna í undanúrslitum í kvöld.
Athletic vann fyrri leikinn 1:0 og einvígið sannfærandi 4:0.
Inaki Williams kom Athletic á bragðið á 13. mínútu og bróðir hans Nico Williams bætti við öðru markinu á 42. mínútu.
Gorka Guruzeta gulltryggði svo þriggja marka sigur með marki á 61. mínútu.
Athletic mætir Mallorca í úrslitum, en Mallorca vann Real Sociedad í vítakeppni á þriðjudaginn var.