Spænska 1. deildin í knattspyrnu rannsakar nú myndband sem birtist á samfélagsmiðlum af barni sem sagt er kalla Vinicius Junior, stjörnu Real Madrid, apa.
Barnið er stuðningsmaður Valencia en Real Madrid og Valencia gerðu jafntefli, 2:2, í Valencia í gær. Vinicius skoraði þá bæði mörk Madrídarliðsins.
Myndbandið kom fram á ESPN í Brasilíu en þar segir konan sem tók myndbandið að lögreglan hafi verið kölluð út á meðan leiknum stóð.
Vinicius hefur átt í deilum við Valencia áður en í maí á síðasta ári varð hann fyrir kynþáttaníði af stuðningsmönnum liðsins fyrir leik.