Stefano Pioli hefur verið rekinn sem knattspyrnustjóri karlaliðs ítalska stórveldisins AC Milan.
Félagið staðfesti fregnirnar á samfélagsmiðlum í dag en lengi hefur verið vitað að hann myndi ekki halda áfram með liðið.
Pioli tók við Mílanóliðinu í október 2019 og vann ítölsku A-deildina með því árið 2022.
Félagið hafnaði í öðru sæti í deild á nýliðnu tímabili og komst ekki upp úr riðlinum í Meistaradeildinni.
Paulo Fonseca, stjóri Lille, mun taka við af honum.