Belginn Marc Brys hefur verið rekinn úr starfi landsliðsþjálfara karlaliðs Kamerún þrátt fyrir að hafa ekki stýrt leik.
Brys var ráðinn til Kamerún í byrjun apríl. Ráðningin var heldur áhugaverð en enginn innan knattspyrnusambandsins vissi af henni.
Íþróttamálaráðherra þjóðarinnar tók málið í sínar hendur í byrjun apríl og réði Brys án vitneskju sambandsins.
Brys lenti upp á kant við goðsögnina Samuel Eto'o, sem er forseti knattspyrnusambandsins.
Kamerún mætir Grænhöfðaeyjum og Angólu í tveimur mikilvægum landsleikjum í undankeppni HM 2026 í komandi landsleikjahléi.