Guðni bætti sinn besta árangur - FH með forystu að loknum fyrsta degi
Setja bókamerki
FH hefur sex stiga forskot á ÍR að loknum fyrri keppnisdegi á Meistaramóti Íslands í frjálsum íþróttum sem fram fer í Kaplakrika.
Guðni Valur Guðnason, ÍR, vann kúluvarp karla örugglega er hann varpaði kúlunni 18,6 metra. Með kastinu náði Guðni Valur sínum besta árangri innanhúss en áður hafði hann varpað kúlunni lengst 17,36 metra innanhúss.
Hafdís Sigurðardóttir, UFA, vann afar nauman sigur í 60 metra hlaupi kvenna á tímanum 7,68 sekúndum.
Ari Bragi Kárason, FH, vann 60 metra hlaup karla er hann hljóp á tímanum 6,98 sekúndum.
Arnar Pétursson, Breiðabliki, vann 1.500 metra hlaup karla nokkuð örugglega á tímanum 4:07,97 mínútum.
Elín Sóley Sigurbjörnsdóttir, FH, vann 1.500 metra hlaup kvenna á tímanum 5:03,72 mínútum.
Kormákur Ari Hafliðason, FH, vann 400 metra hlaup karla er hann hljóp á 48,61 sekúndu.
Þórdís Eva Steinsdóttir, FH, vann 400 metra hlaup kvenna er hún hljóp á tímanum 56,33 sekúndum.
Hekla Sif Magnúsdóttir, FH, vann þrístökk kvenna með stökki upp á 11,63 metra.
Kristinn Torfason, FH, vann þrístökk karla er hann stökk 14,21 metra.
Ingi Rúnar Kristinsson, Breiðabliki, vann stangarstökk karla er hann stökk yfir 4,3 metra.
Eva María Baldursdóttir, HSK/Selfossi, vann hástökk kvenna er hún stökk yfir 1,76 metra. Með stökkinu jafnaði hún sinn besta árangur.
—
Breytingar á skipulagi fréttadeildar RÚV
Rothissa á vinnubrögðum forystu BÍ
Tveggja mánaða flandur um Nýja-Sjáland
Eru að vakta stöðuna í bólusetningum barna
Ók á ofsahraða á móti umferð og uppi á stétt
Mál hjúkrunarfræðingsins fer aftur fyrir héraðsdóm
Þyngri refsing fyrir að nauðga stjúpdóttur æskuvinar