CrossFit stjarnan Katrín Tanja Davíðsdóttir er á leið undir hnífinn en Katrín gaf út á dögunum að hún þyrfti að hætta keppni vegna þrálátra bakmeiðsla.
Katrín Tanja greinir frá því á Instagram síðu sinni að hún muni gangast undir aðgerð vegna brjósklos og klemmdrar taugar í neðra baki og mjöðm. Katrín Tanja er í fjórtánda sæti á heimslistanum í CrossFit en verður líklega frá keppni í umtalsverðan tíma í kjölfar aðgerðarinnar.