Melsungen tryggði sér sæti í úrslitum þýska bikarsins í handbolta í dag. Arnar Freyr Arnarsson og Elvar Örn Jónsson léku með Melsungen og Teitur Örn Einarsson fyrir Flensburg.
Elvar var atkvæðamestur Íslendingana og skoraði 5 mörk. Arnar Freyr skoraði 2 og Teitur gerði 3 fyrir Flensburg.
Í úrslitum mætir Melsungen öðru Íslendingaliði því Magdeburg sigraði Füchse Berlin í fyrri undanúrslitaleik dagsins. Gísli Þorgeir Kristjánsson, Ómar Ingi Magnússon og Janus Daði Smárason leika fyrir Magdeburg.