Ætla með félagaskiptin til Tindastóls fyrir dómstóla
Setja bókamerki
Forráðamenn kósovóska körfuknattleiksfélagsins Peja eru afar ósáttir með félagaskipti Bandaríkjamannsins Jacobs Calloways til Tindastóls.
Á mánudaginn tilkynntu Íslandsmeistarar Tindastóls að Calloway hefði skrifað undir samning við Tindastól sem gildir út yfirstandandi keppnistímabil.
Kósovóska félagið sendi svo frá sér tilkynningu í gær þar sem það telur félagskipti Calloways til Tindastóls vera ólögleg.
Ekkert samkomulag í höfn
„Jacob Calloway yfirgaf félagið og Kósovó mjög óvænt í gær án nokkurs samráðs við okkur,“ segir í tilkynningu Peja.
„Síðar komumst við að því að hann væri búinn að semja við félag á Íslandi, án þess að samkomulag hefði náðst við okkur um félagaskiptin.
Svona vinnubrögð eru ekki boðleg og við munum leita réttar okkar, og fara með þetta mál fyrir dómstóla vegna þessa,“ segir enn fremur í tilkynningu Peja.
Umboðsmaður barna krefur ráðherra um svör
„Þú ert bara orðin miðaldra kona“
Sláandi tölur kalla á djúpa greiningu
Ísland orðið of dýrt
Hyggst skoða lög um nafnabreytingar
Segir afsökun Microsoft lélega
„Björguðu lífi þessa fólks“
Fjöldi tungumála áskorun