Íþróttir | Körfubolti | mbl | 13.4.2024 | 10:40

Æsispenna fyrir lokaumferðina

Patrick Beverley í leik Oklahoma City Thunder gegn Milwaukee Bucks í nótt. AFP/Joshua Gateley

Þrjú lið eru með jafn mörg stig í vesturhluta NBA-deildarinnar í körfubolta í Bandaríkjunum þegar ein umferð er eftir og geta því öll tryggt sér toppsætið fyrir úrslitakeppnina.

Minnesota Timberwolves, Oklahoma City Thunder og Denver Nuggets hafa unnið 56 leiki og tapað 25 á leiktíðinni hingað til en þetta hefur aldrei gerst áður í deildinni.

There have NEVER BEEN three teams tied record-wise for a chance at the #1 seed with 1 game left 🤯 pic.twitter.com/mEtXSKyaMb
— NBA (@NBA) April 13, 2024

Sjö efstu sætin fara beint í úrslitakeppnina en 8. - 10. sæti fara í umspil til þess að komast þangað. Í 10. sæti í vesturhlutanum eru Steph Curry og félagar í Golden State Warriors.

Curry skoraði 33 stig og tók 12 fráköst en það dugði ekki til þegar liðið tapaði, 114:109 gegn New Orleans Pelicans í gærkvöldi.

Úrslit næturinnar:

Washington Wizards - Chicago Bulls 127:129

Philadelphia 76ers - Orlando Magic 125:113

New York Knicks - Brooklyn Nets 111:107

The Cleveland Cavaliers - Indiana Pacers 129:120

Boston Celtics - Charlotte Hornets 131:98

San Antonio Spurs - Denver Nuggets 121:120

Milwaukee Bucks - Oklahoma City Thunder 125:107

Minnesota Timberwolves - Atlanta Hawks 109:106

Memphis Grizzlies - LA Lakers 120:123

Miami Heat - Toronto Raptors 125:103