SFO þarf að borga lögfræðikostnað Tchenguiz
Setja bókamerki
Efnahagsbrotadeild bresku lögreglunnar, Serious Fraud Office, hefur verið dæmd til að greiða lögfræðikostnað Tchenguiz bræðranna, þeirra Vincents og Roberts. SFO hætti í haust rannsókn sinni á falli Kaupþings og eins á kaupsýslumanninum Robert Tchenguiz. Áður hafði formlega verið tilkynnt um að rannsókn á eldri bróður hans, Vincent Tchenguiz, hefði verið hætt.
Þetta kemur fram í Financial Times í dag.
SFO hóf rannsókn á viðskiptum Vincents og Robert Tchenguiz í mars árið 2011 í tengslum við rannsókn á falli Kaupþings. Bræðurnir voru m.a. handteknir og húsleit gerð hjá þeim.
En eftir árs rannsókn viðurkenndi SFO mistök við rannsóknina. Bræðurnir höfðuðu mál og hefur dómari nú komist að því að SFO beri ábyrgð á 80% af lögfræðikostnaði Roberts Tchenguiz vegna málsins og alls lögfræðikostnaðar bróður hans, Vincents.
Vincent Tchenguiz segir að þetta sýni enn og aftur mistök Richards Aldermans, fyrrverandi forstjóra SFO. Hann segir forstjórann hafa verið kærulausan og athyglissjúkan. Aðför Aldermans að sér hafi haft víðtæk áhrif á orðspor sitt og einkalíf. „Enn á eftir að fá þær skemmdir bættar,“ segir hann.
90% samþykktu verkfallsaðgerðir
Stofna framkvæmdanefnd um málefni Grindavíkur
Fólk í kosningateymi Höllu fékk milljónir frá OS
„Byggja varnargarð utan um fólkið okkar“
„Fólk þolir óvissu í ákveðinn tíma“
Ótímabundin leyfi verði líklega ekki gefin út
229 slösuðust alvarlega í umferðinni
