Verð á hráolíu féll í dag undir 43 Bandaríkjadali á tunnuna eftir talsverðar hækkun undanfarna daga. Kemur lækkunin í kjölfar ótta við áhrif og útbreiðslu heimsfaraldurs kórónuveiru, en í gær var tilkynnt um 55 þúsund ný kórónuveirusmit í Bandaríkjunum.
Viðlíka fjöldi nýrra smita á einum degi hefur hvergi sést í heiminum. Um nýtt met er að ræða og eru sérfræðingar hræddir um að slíkt kunni að hægja á efnahagsbatanum vestanhafs. Þó hafa birst mjög jákvæðar atvinnutölur frá Bandaríkjunum undanfarna tvo mánuði.
Störfum í Bandaríkjunum fjölgaði um 4,8 milljónir í júnímánuði og er það talsvert umfram væntningar. Áður hafði verið gert ráð fyrir að störfum myndi fjölga um 3,7 milljónir í mánuðinum. Eru sérfræðingar þó hræddir um að þróunin kunni að snúast við haldi kórónuveirusmitum áfram að fjölga.