Varirnar of stórar til að blása í mælinn
Setja bókamerki
Tvítugur fegurðarfræðingur hefur verið bannfærður af vegunum fyrir að geta ekki blásið í öndunarmæla lögreglu. Bar hún því við að varir hennar væru of stórar en þær höfðu verið stækkaðar með kollagen ígræðslu.
Lögreglumenn höfðu afskipti af Scarlett Harrison í miðborg Manchester á Englandi í sumar eftir að hún lagði bíl sínum í stæði fyrir leigubíla. Lagði megnan þef frá andardrætti hennar. Er lögreglan brá öndunarmæli sínum á loft sagði hún varir sínar of stórar til að hún gæti blási í hann.
Var Harrisson færð á lögreglustöð og eftir fjórar árangurslausar tilraunir til að gefa öndunarsýni í annan mæli þar gafst hún upp og bar að nýju við varastærð sinni fyrir sig. Konan unga hefur meðal annars unnið sér það til frama að hafa tekið þátt í raunveruleika sjónvarpsþætti, Ex On The beach, á MTV tónlistarstöðinni.
Sagðist Harrisson ekki geta þrýst vörum sínum að munnstykki blástursmælanna vegna verkja sem því fylgdi í vörunum umbreyttu. Við gang málsins gekkst hún við neyslu tveggja „bleikra“ gindrykkja um kvöldið afdrifaríka.
Hún var meðal annars ákærð fyrir að mistakast að leggja fram öndunarsýni. Þá var hún svipt ökuréttindum og bannfærð af breskum vegum í 16 mánuði. Að auki varð hún að borga kostnað sem af sakarmálinu hlaust og lögfræðikostnað.
Bíl hennar, laglegan hvítan Mini One, tók faðir hennar í sínar vörslur daginn eftir handtöku hennar. Til að hún freistaðist ekki til aksturs á refsitímanum seldi hann bíl dótturinnar.
