Þó það hafi kannski fallið í skuggann af öðrum sýningargripum þá vakti nýtt hugmyndahjól bandaríska mótorhjólasmiðsins Harley-Davidson athygli á neytendatækjasýningunni CES í Las Vegas í byrjun ársins.
Hjá Harley-Davidson er sköpunargáfan enn rík þrátt fyrir háan aldur fyrirtækisins. Hann er við það að senda á markað fyrsta rafknúna mótorhjólið sitt, Live Wire að nafni.
Einnig tefldi Harley fram tveimur fákum á þróunarstigi; rafdrifnu fjallareiðhjóli og hlaupahjóli með sæti. Er það farartæki einnig hreinræktað rafhjól. Þótti sýningargestum það jafnvel áhugaverðara en rafknúna mótorhjólið.
Hugmyndahjólin vöktu athygli og síðan fengu gestir í fjallabænum Aspen í Coloradoríki í síðustu viku að spreyta sig á þeim á svonefndum X-leikjum. Skemmtilegt virðist að þeysa um á þeim og stórgerð farartækin stinga ekki bara í stúf heldur skilja sig frá hundruð annarra hjólategunda á útlitinu einu saman. Haldi Harley-Davidson þróun þeirra áfram og framleiði gæti nafnið eitt dugað til að þau skæru sér væna sneið af markaðinum.
Hlaupahjólið virðist ávísun á æsandi upplifun. Það minnir á frumgerðir reiðhjóla með litla rafmótora sem hjálparvél. Öllu fágaðra er það þó með svo sterkt og álitsgott fyrirtæki á bak við sig. Verið getur að verðið eigi þó eftir að sitja í áhugasömum. Er verðmiðinn á LiveWire rafmótorhjólinu tæplega 30.000 dollarar. Rafhlaupahjólið kemur þó eflaust til að verða mun viðráðanlegra í verði. Og aðgengilegra en rafknúið mótorhjól. Aðdráttaraflið vantar ekki né stílinn og vafalaust er útreiðartúr heilmikil upplifun.