Á Íslandi er auðvelt að komast yfir upplýsingar um hvaða barnanöfn eru vinsæl. Það er þó erfiðara að segja til um það hvaða nöfn verða vinsælust næstu misserin og hvað þá næsta áratuginn. Sérfræðingar á vefnum Nameberry hafa gert heiðarlega tilraun til þess að spá fyrir um hvaða nöfn verða vinsælust næsta áratuginn.
Sérfræðingarnir vilja meina að nöfn sem verða skyndilega vinsæl endist ekki lengi á toppnum. Nöfn sem komast á toppinn hægt og rólega og halda stöðu sinni þar eru líklegri að halda vinsældum sínum í nokkurn tíma áður en vinsældirnar byrja að fjara út.
Fólk í fréttum hefur lengi haft áhrif á vinsældir nafna og hefur það sýnt sig á Íslandi. Því þarf það ekki að koma á óvart að vinsælasta stúlknanafnið í könnuninni sé Charlotte eða Karlotta en Karlotta prinsessa er ástæðan. Harper vermir þriðja sætið í stúlknaflokkinum en dóttir Beckham-hjónanna heitir einmitt Harper.
Þótt um sé að ræða erlend nöfn er ekki ólíklegt að sömu nöfn verði í tísku á Íslandi árið 2028.
Stúlknanöfn
Charlotte
Amelia
Harper
Emma
Olivia
Evelyn
Mia
Aria
Ava
Sofia
Drengjanöfn
Liam
Mateo
Maverick
Noah
Lincoln
Lucas
Henry
Theodore
Jaxon
Oliver
Nöfn fyrir bæði kynin
Avery
Quinn
Sawyer
Parker
Nova
Charlie
Finley
Emerson
Logan
Rowan