Beckham gagnrýndur fyrir að kyssa dóttur sína

David Beckham fór með dóttur sína, Harper Seven Beckham, á skauta í byrjun vikunnar á skautasvellinu við Náttúrugripasafnið (National History Museum) í London. Hann birti mynd af sér og henni við svellið þar sem hann segir að jólahátíðin sé senn að koma og nú sé kominn tími á skauta. 

Samkvæmt Daily Mail voru fylgjendur hans á ólíku máli um myndina sem hann birti á Instagram að kyssa dóttur sína á munninn. Greinin fjallar um ummæli „nettrölla“ sem gagnrýndu fyrrverandi fótboltastjörnuna fyrir kossinn. Einn þeirra skrifaði m.a. að koss á munninn á milli dóttur og föður væri óviðeigandi. 

Þó nokkrir tóku upp hanskann fyrir Beckham og hvöttu hann til að eyða ljótum skilaboðum sem höfðu birst undir myndinni. 

• Blogga um frétt