Sænsk barnaherbergi ómótstæðileg

Góð barnaherbergi eru gulls ígildi. Margir foreldrar eru að huga að því að uppfæra, breyta og bæta herbergi barna sinna um þessar mundir. 

Íslendingar eru snillingar í að búa til góðar lausnir og duglegir að uppfæra það sem betur má fara reglulega. Stíllinn hér á landi í barnaherbergjum minnir á það sem er að gerast í Svíþjóð um þessar mundir. En barnaherbergi í Svíþjóð eru skemmtileg blanda af gömlu og nýju með ómótstæðilegum smáatriðum sem gaman er að skoða.  

Hin sænska Ruta Viterson er innanhúshönnuður sem er með einstakan stíl sem er vinsæll um þessar mundir þegar kemur að barnaherbergjum. 

Hún notast mikið við gráa veggi og bleik efni. Hún setur fallega saman gamla hluti í bland við nýja. Það er hægt að eyða löngum stundum í að dást að samsetningu hennar og fagurfræði. 

Eins þykir Sanna Emelie með fallegan rómantískan stíl þar sem hvítur og bleikur er áberandi og tímabilshlutir fá stóran sess í hennar hönnun. Barnaherbergin í Svíþjóð eru oft og tíðum skreytt fallegum myndum, Malin og Anna, sem stofnuðu til fyrirtækisins Mrs Mighetto gera krúttlegar myndir sem setja punktinn yfir i-ið í barnaherbergjunum á þessum slóðum. 

• Blogga um frétt