„Ég skil af hverju þú ert í uppnámi“

Það er að verða vinsælt að hugsa í lausnum. Jákvæðni, hlátur og það að umbera alls konar tilfinningar er hluti af þeirri vinnu sem fólk fer að jafnaði í þegar það byrjar að vinna í sér. En það er án efa engum hollt að vera alltaf glaður. Lífið er verkefni og það gerast alls konar hlutir. 

Að bæla niður tilfinningar, kenna öðrum um og fleira í þeim dúrnum er sveifla síðustu aldar að margra mati, lausnamiðað uppeldi, lausnamiðað hjónaband og lausnamiðuð hugsun virðist vera það sem koma skal.

En hvernig er best að nota þessa aðferð í fjölskyldunni? Hvernig og hvar lærir maður þessa aðferð?

Það eru til margar ólíkar leiðir að lausnamiðaðri hugsun. Sérfræðingar víða um landið eru með áhugaverðar leiðir - til að leysa áskoranir með fólki. Síðan eru alls konar sjálfshjálparhópar og 12 spora kerfi sem leitast við að hjálpa fólki á þessari leið. 

Rithöfundfundurinn Amber Rae er með skemmtilega einfalda nálgun sem hægt er að nota til að gera fjölskylduna lausnamiðaða. Foreldrar eru að jafnaði hvattir til að tileinka sér þessa hugsun, enda smitar það fljótt yfir í börnin og stórfjölskylduna. 

Í lausnamiðuðu uppeldi eru sem dæmi um þetta góðar hugmyndir:

Hlutir sem foreldrar segja stundum:

„Ekki vera í uppnámi.“

„Ekki gráta.“

„Ekki vera svona viðkvæmur/viðkvæm.“

Þess í stað mætti segja:

„Ég skil af hverju þú ert í uppnámi.“

„Ég er til staðar.“

„Ég finn að þetta hefur mikil áhrif á þig.“

Ef við erum á því að hugsanir og orð skipta máli, þá er áhugavert að skoða hvernig hægt er að bregðast við í aðstæðum sem eru erfiðar með lausn í huga og rými fyrir einstaklinginn til að komast út úr tilfinningaástandinu sjálfur.

• Blogga um frétt