Mörg börn eru í vetrarfríi um þessar mundir og það sama má segja um litla kóngafólkið Georg, fimm ára, og Karlottu, þriggja ára, sem voru í vetrarfríi í síðustu viku. Tóku foreldrar þeirra, hertogahjónin Katrín og Vilhjálmur, sér frí frá opinberum skyldum og fóru út í sveit með börn sín í fríinu. 

Katrín og Vilhjálmur eru þekkt fyrir að dvelja á sveitasetri sínu á Englandi með börn sín þegar þau eiga frí. Rólegheit voru greinilega í fyrirrúmi í fríinu en Katrín fór meðal annars með elstu börnin sín tvö í sund á lúxushóteli í nágrenninu. 

Daily Mail greinir frá því að Katrín hafi farið í sund með Georg og Karlottu í síðustu viku. Segir sjónarvottur börnin hafa stungið sér af bakkanum og Katrín látið börnin keppa í sundi nokkrum sinnum áður en þau fóru í gufu saman. 

Lúðvík sem er að verða eins árs og ekki byrjaður í leikskóla var ekki með í sundi en var annaðhvort heima hjá föður sínum eða heima með barnfóstru fjölskyldunnar. 

Fjólskyldan fór út í sveit í vetrarfríi barnanna. mbl.is/AFP

Tengdar fréttir

Kóngafólk í fjölmiðlum

Ný stytta afhjúpuð af Elísabetu II. drottningu

• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni

» Fleiri tengdar fréttir

• Blogga um frétt