Fegurðardrottningin Arna Ýr Jónsdóttir á von á barni 15. júní með kærasta sínum Vigni Þór Bollasyni. Þrátt fyrir að enn sé nokkuð langt í komu frumburðarins er Arna Ýr komin nokkuð langt með að gera allt tilbúið.
Hún sýndi fylgjendum sínum á Instagram myndir úr herberginu sem dóttirin mun fá. Bleiki liturinn er áberandi í heberginu en Arna Ýr er búin að nostra við herbergið. Ásamt því að fá gefins vörur eins og algengt er meðal áhrifavalda koma föndurhæfileikar Örnu Ýrar vel í ljós í herberginu.
Greindi hún frá því að hafa sjálf föndrað himnasængina en yfir rúminu er afar falleg himnasæng með fallegum blómakransi. Á veggnum hinum megin í herberginu er svo krúttleg grein með blómum sem Arna Ýr segist hafa handmálað á vegginn.