Bandaríska gamanleikkonan Amy Schumer er að gera suma fylgjendur sína brjálaða með ljósmyndum sem hún birtir reglulega af sér í nærbuxum sem hún fékk á spítalanum þegar hún fæddi barnið sitt nýverið. 

Fylgjendur hennar virðast skiptast í tvo hópa. Sumir hrósa henni fyrir að sýna barneignir eins og þær raunverulega eru á meðan aðrir gagnrýna hana fyrir drusluganginn. 

Hingað til hafa nærbuxurnar á spítölum fyrir nýbakaðar mæður verið eitt af því sem enginn talar um. Schumer er hins vegar á því að nærbuxurnar séu góðar og viðrar þær í öllum veðrum fyrir þær 9 milljónir fylgjenda sem hún er með á Instagram.

„Komdu þér í almennileg föt og reyndu að þroskast,“ skrifar aðili við ljósmynd hjá henni á Instagram. 

„Finnst leiðinlegt að sjá hvað þú ert að taka þetta náttúrulega útlit aðeins of langt... burstaðu hárið á þér og komdu þér í almennileg föt. Barneignir eru engin afsökun fyrir því að halda sér ekki við,“ skrifar annar. 

Sitt sýnist hverjum um uppátækið. Eitt er þó víst að mæður víðs vegar um heiminn eiga auðveldara uppdráttar í buxunum góðu þegar kemur að þeim og hver veit nema að brosleg minning um Schumer komi upp í hugann á þeirri stundu. 

Tengdar fréttir

Amy Schumer

Amy Schumer gerir óspart grín að Baldwin-fjölskyldunni

• Í lyfjamóki að reyna að frysta egg
• Með marinn kvið í tæknifrjóvgun
• Fannst erfitt að fara að vinna eftir fæðingu
• Aðeins fimm kíló farin á fimm mánuðum

» Fleiri tengdar fréttir

• Blogga um frétt