Paltrow í LAT-sambandi fyrir börnin

Gwyneth Paltrow og eiginmaður hennar Brad Falchuk hafi valið að búa fjóra daga í viku saman heima hjá henni. Þess á milli býr Falchuk á heimili sínu nálægt henni. Þetta kemur fram á vef Vogue.

Paltrow segir að fyrirkomulagið henti þeim vel. Þannig haldi þau heilbrigðri fjarlægð, samandið verður meira spennandi og minna rask verður á börnum þeirra. 

Sambandsráðgjafinn Charly Lester er sammála þessu og segir fjarbúð geta verið góðan kost. 

„Ef þú ert að koma úr langtímasambandi og ert búin/búinn að gera það upp getur verið að þú viljir gera hlutina öðruvísi í nýju sambandi. 

Þegar einstaklingar gifta sig í fyrsta skiptið er markmiðið oft að búa til fjölskyldu og þá getur verið góður kostur að búa undir sama þaki.

Fyrir einstaklinga sem eru að stofna til hjónabands númer tvö eða þrjú getur verið hentugra að halda tvö heimili. Sér í lagi ef fólk ætlar ekki að eignast börn saman.“

Paltrow og Falchuk eru ekki þau einu sem haga málunum á þennan hátt. Vinsældir fjarbúðar hjá samsettum fjölskyldum eru að aukast. Sambönd þar sem fólk er ekki alltaf saman hefur stundum verið kallað LAT (Living apart together). Sérfræðingar mæla með þessu fyrirkomulagi ef báðir aðilar eru sáttir við það.  

• Blogga um frétt