Það er ekkert sparað til á heimili rapparanna Cardi B og Offset þegar skartgripir eru annars vegar. Þau hjónin gáfu Kulture, dóttur sinni, sem verður eins árs í byrjun júlí, hálsmen sem kostaði 100 þúsund Bandaríkjadali, eða 12,4 milljónir íslenskra króna.
Hálsmenið er með myndum af fígúrunum úr barnaefninu Word Party, sem Cardi B segir að dóttir hennar elski. Hálsmenið er frá skartgripaframleiðandanum Eliantte.
Kulture er eina barn þeirra hjóna saman, en Offset á þrjú önnur börn úr fyrri samböndum.
View this post on InstagramA post shared by MOSTHATEDCARDI (@iamcardib) on Jun 20, 2019 at 3:55pm PDT