„Hún breytti lífi mínu“

Dóttir rappstjörnunnar Cardi B og eiginmanns hennar, Offset, varð eins árs í vikunni. Cardi B hélt upp á áfangann eins og henni er lagið og gaf út lítið afmælislag sem hún birti á Instagram ásamt ótalmörgum barnamyndum af Kulture. 

Í textanum rappar Cardi B til ófæddrar dóttur sinnar. Fjallar hún meðal annars um að fólk væri að skipta sér af hennar einkalífi. Hún rappar einnig í laginu um að hafa vonast til þess að geta átt þennan tíma ein. Hún segist hafa falið hana undir fötunum sínum en hún virtist stækka með hverjum deginum. 

Cardi B reyndi vissulega að halda óléttunni leyndri og vildi ekki birta myndir af dóttur sinni á Instagram fyrstu vikurnar. Nú er hún hins vegar ótrúlega dugleg að sýna frá lífi dóttur sinnar. Þakkaði hún aðdáendum sínum meðal annars fyrir að óska sér til hamingju með afmæli dóttur sinnar. „Ég elska barnið mitt, hún breytti lífi mínu,“ skrifaði hún að lokum við myndbandið með barnamyndunum. 

Frétt af mbl.is

Fæðingin var erfiðari en hún hélt

Segja má að Cardi B hafi haldið upp á afmælissólarhring dóttur sinnar þar sem á miðnætti var hún tilbúin með blöðrur og kökur eins og sjá má hér að neðan. 

• Blogga um frétt