Georg prins er uppáhaldslangömmubarn Elísabetar Englandsdrottningar ef marka má heimildir Daily Mail. Prinsinn er þriðji í röðinni til að erfa krúnuna, á eftir afa sínum og pabba.
Drottningin leggur sig í líma við að eyða tíma með langömmustráknum sínum og í hvert skipti sem hann gistir í höllinni er Elísabet búin að velja litlar gjafir sem hún setur við rúm hans þegar hann vaknar.
Hún hefur samt eflaust valið stóra gjöf fyrir daginn í dag, en Georg litli er 6 ára í dag. Hann fagnar deginum á eyjunni Mustique í Karíbahafi ásamt fjölskyldu sinni.