Stormi syngur fyrir Jenner á Ítalíu

Viðskiptamógúllinn Kylie Jenner fagnaði 22 ára afmæli sínu um helgina á Ítalíu. Söngvarinn Travis Scott, sem er unnusti Jenner, fyllti heimilið þeirra af rauðum rósum rétt fyrir afmælið.  Jenner og Scott eiga dótturina Stormi saman. 

Í tilefni afmælisins kom á markaðinn ný afmælislína undir vörumerki hennar Kylie Cosmetics. Línuna auglýsti Jenner í fjaðrakjól með fallega skartgripi. Jenner reynir ekki að hylja auðæfi sín eða stórbrotið líferni, svo síður sé, enda er hún mjög stolt af því viðskiptaveldi sem hún hefur náð að byggja upp á skömmum tíma. 

Rúsínan í pylsuendanum var án efa ferðalag fjölskyldunnar til Ítalíu í tilefni afmælisins þar sem fjölskyldan leigði lúxussnekkju sem skreytt var m.a. með blómsveigum sem mynduðu aldur Jenner.

Stormi söng dásamlegan afmælissöng fyrir móður sína. Jenner leyfði að sjálfsögðu fylgjendum sínum að fylgjast með ferðalaginu og söng dótturinnar. Viðbrögðin létu ekki standa á sér enda barnið orðið löngu frægt eins og foreldrar þess. 

• Blogga um frétt