Aniston-feðginin hafa breyst með árunum

Hin fimmtuga Jennifer Aniston virðist hætt að láta erfiða æsku sína trufla sig. Hún virðist að minnsta kosti vera búin að taka föður sinn í sátt. Leikkonan varði jólunum með föður sínum, John Aniston, sem einnig er leikari og er orðinn 86 ára gamall. 

„Jól með einum af skapara mínum. Þá og nú,“ skrifaði Friends-stjarnan á Instagram og birti nýja mynd ásamt eldri mynd af þeim feðginum. „Elska þig pabbi,“ bætti hún við. 

Eins og sjá má á myndunum hefur leikkonan breyst töluvert síðan hún var lítil stelpa. Faðir hennar hefur að sjálfsögðu elst líka en heldur þó í gamla góða yfirvaraskeggið þótt liturinn á því sé nú hvítur. 

• Blogga um frétt