Það er nóg að gera hjá íslenskum stjörnunum við að fjölga sér. Fjöldinn allur af stórstjörnum hefur tilkynnt að þau eigi von á barni árið 2020. Barnavefur mbl.is hefur tekið saman hvaða pör eiga von á barni á næsta ári.
Rapparinn Árni Páll, betur þekktur sem Herra Hnetusmjör og kærastan hans Sara Linneth tilkynntu það í sumar að lítið hnetusmjörsbarn væri væntanlegt á vormánuðum.
Lítið Landabarn er væntanlegt hjá íþróttafréttakonunni Eddu Sif og tökumanninum Vilhjálmi á næsta ári.
Margrét Bjarnadóttir, dóttir Bjarna Benediktssonar fjármálaráðherra og Ísak Ernir eiga von á sínu fyrsta barni saman í apríl 2020.
Skúli Mogensen, fyrrverandi forstjóri WOW Air, og kærasta hans, Gríma, eiga von á sínu fyrsta barni saman á næsta ári.
Fréttamaðurinn Aðalsteinn Kjartansson og kærasta hans, Elísabet, eiga von á sínu fyrsta barni saman á næsta ári. Fyrir á Aðalsteinn tvo syni.
Steindi Jr. og kærasta hans Sigrún Sigurðardóttir eiga von á sínu öðru barni á næsta ári. Fyrir eiga þau dótturina Ronju.
Landsliðsmaðurinn Hörður Björgvin og kærasta hans Móeiður eiga von á sínu fyrsta barni á næsta ári.
Bloggarinn Guðrún Helga Sørtveit og Steinar Örn Gunnarsson eiga von á sínu fyrsta barni snemma á næsta ári.
Tónlistarmaðurinn Sverrir Bergmann á von á sínu fyrsta barni með kærustu sinni, Kristínu Evu Geirsdóttur.