You-stjarnan Penn Badgley á von á sínu fyrsta barni með eiginkonu sinni, Domino Kirke. Kirke greindi frá væntanlegum erfingja á Instagram og sagði hún að þau hafi verið tilbúin að gefast upp eftir tvö fósturlát.
„Meðganga eftir missi er allt annað. Eftir tvö fósturlát í röð vorum við tilbúin að hætta. Ég hætti að treysta líkama mínum og byrjaði að taka það í sátt að ég væri búin,“ skrifar Kirke sem er bæði tónlistarkona og fæðingar-doula. Segist hún hafa séð allt og heyrt allt í starfi sínu.
Badgley á ekkert barn en er þó stjúpfaðir þar sem eiginkona hans til þriggja ára á eitt barn fyrir, tíu ára gamlan son. Segist Kirke hafa vitað mun minna en nú þegar hún var 25 ára og ólétt.
„Þegar ég var ólétt 25 ára vissi ég ekki neitt. Ég átti ekkert samfélag. Ég stakk mér í djúpu laugina án þess að gera mér grein fyrir fæðingum og leyndardómum þeirra. Nú með tíu ára reynslu á bakinu kann ég að meta fæðingarsamfélagið sem ég hef. Þið hafið nú þegar kennt okkur að taka einn dag í einu á þann veg sem við höfum aldrei áður þurft að gera,“ skrifaði Kirke.
View this post on InstagramA post shared by Domino Kirke-Badgley (@domino_kirke) on Feb 10, 2020 at 6:29am PST