Bandaríski leikarinn Josh Brolin á von á sínu fjórða barni. Hann og eiginkona hans tilkynntu um komu barnsins á Instagram en fyrir eiga þau saman 20 mánaða dóttur sem heitir Westlyn Reign.
Faðir leikarans, James Brolin, sagði í viðtali í vor að sonur sinn væri mjög duglegur faðir Westlyn. „Hann setti vinnuna til hliðar og sinnti aðeins bleyjuskiptum í þrjá mánuði,“ sagði Brolin eldri. Þá segir hann Barböru Streisand, stjúpmóðir Brolins, vera mjög ánægð með barnabörnin. „Um leið og það kemur í herbergið þá breytist hún í aðra manneskju. Hún sem er svo smámunasöm. Það fer allt út um gluggann og það er frábært að vera vitni að því.“