Dóttir írska söngvarans Chris De Burgh og fyrrverandi ungfrú heimur, Rosanna Davison, gengur nú með eineggja tvíbura eftir að hafa glímt við ófrjósemi. Hún hefur misst fóstur fjórtán sinnum líklega vegna röskunar í ónæmiskerfinu en læknar höfðu talið henni trú um að hún gæti aldrei gengið með barn.
Davison og maðurinn hennar eignuðust sitt fyrsta barn á síðasta ári með hjálp staðgöngumóður en eiga nú óvænt von á tvíburum. Davison sem var kjörin ungfrú heimur árið 2003 er að vonum mjög ánægð.
„Við höfum misst fóstur fjórtán sinnum á síðustu árum og farið í gegnum mjög erfiðar frjósemismeðferðir. Loks ákváðum við að eignast barn með hjálp staðgöngumóður. Mér var sagt að ég gæti aldrei gengið með barn vegna ónæmiskerfis míns og engar meðferðir komu að gagni. Það að þetta hafi svo óvart gerst er draumi líkast. Svona kraftaverk kunna að taka tíma en þau geta gerst á óvæntan hátt,“ segir Davison sem veit ekki hvað varð til þess að hún varð ólétt með náttúrulegum hætti. Hún trúir því að samkomubannið hafi hjálpað henni að slaka vel á.
View this post on InstagramA post shared by Rosanna Davison MSc (@rosanna_davison) on Jul 22, 2020 at 5:30am PDT
View this post on InstagramA post shared by Rosanna Davison MSc (@rosanna_davison) on Jun 16, 2019 at 2:24am PDT